Ibinahagi ni Senador Bong Go sa kaniyang social media account ang mga pinagkakaabalahan ngayon ni dating Pangulong Rodrigo Duterte, ngayong pribadong mamamayan na lamang ito.
Ayon kay Go sa kaniyang Facebook post nitong Martes, Agosto 9, kahit madaling-araw na ay nag-iikot-ikot ito sakay ng motorsiklo, kagaya ng ginagawa nito noong siya ay alkalde ng Davao City.
"Na-miss ni Tatay Digong ang mamasyal gamit ang kaniyang motor tulad ng ginagawa niya noon bilang alkalde," saad ng senador.
Bukod sa pag-iikot-ikot ay nakihalubilo umano ito sa ilang uniformed men at nakisalong kumain ng durian.
Romina, patuloy na kumikilos patungong Southern Kalayaan Islands
"Ngayon na pribadong mamamayan na siya, hindi niya matiis na hindi mag-ikot at pumasyal kahit na madaling araw na. Nakihalubilo rin siya sa mga sundalo, pulis at security guards na kanyang nadaanan at niyaya silang kumain ng durian."
"Ride safe Mayor Rody!" ani Bong Go.
Sa comment section ay bumaha naman ng reaksiyon at komento ang mga netizen na tagasuporta ni dating Pangulong Duterte.
