Magpapatupad ng dagdag-bawas sa presyo ng produktong petrolyo ang mga kumpanya ng langis sa Martes, Agosto 2.
Dakong 12:01 ng madaling araw ng Martes, ipatutupad ng Caltex ang dagdag na ₱0.75 sa presyo ng kada litro ng kanilang gasolina.
Magbabawas din ito ng ₱0.60 sa presyo ng kada litro ng diesel at ₱0.75 naman ang ibabawas sa bawat litro ng kerosene.
Sinabi naman ng Shell at7 SeaOil na pagsapit ng 6:00 ng umaga, papatungan nila ng ₱0.75 ang presyo ng kada litro ng kanilang gasolina habang babawasan naman ng ₱0.60 at ₱0.75 ang presyo ng bawat litro ng diesel at kerosene, ayon sa pagkakasunod.
CHIZmis lang daw? Pagkalas sa liderato ni SP Chiz, itinanggi ng ilang senador
Inanunsyo naman ng Petro Gazz na magpapairal sila ng dagdag na ₱0.75 sa presyo ng kada litro ng gasolina at bawas naman na ₱0.60 sa diesel.
Dagdag naman na ₱0.75 ang ipatutupad sa presyo ng kada litro ng gasolina ng Cleanfuel at bawas na ₱0.60 sa per liter ng diesel.
Ang price adjustment ay bunsod lamang ng paggalaw ng presyo ng produktong petrolyo sa pandaigdigang merkado kamakailan.
