Ibinahagi ng dating beauty queen na si Maggie Wilson kung paanong ilegal na pinasok umano ng mga kinatawan ng Victor Consunji Development Corporation (VCDC), DMCI, at tauhan ng barangay Bambang sa Taguig City ang kaniyang bahay noong Biyernes, Hulyo 15.
Ang Victor Consunji Development Corporation (VCDC) ay pagmamay-ari ng dati niyang asawa na si Victor Consunji.
“Both members of Victor Consunji Development Corp. accompanied by the local barangay of Bambang, Taguig, on behalf of Victor Consunji and DMCI, entered my home illegally, with no notice, no warrant, and no proper paperwork," ani Maggie sa kaniyang Instagram post.
"They stated that the property is owned by DMCI despite me explaining over the phone, on multiple occasions, that there is a contract that exists on the property signed by Bernie Mendoza himself,” dagdag pa niya.
#WalangPasok: Class suspensions ngayong Biyernes, Sept. 20
Noong nangyari ang insidente, wala ang dating beauty queen sa bahay niya dahil sa kaniyang business trip. Ang nandoon lamang ay ang kaniyang kapatid, 5-year old cousin, at household staff.
“They entered my home and took videos of personal belongings of those of myself and my family illegally," sey niya.
"This is a very real threat. It could potentially happen to you on VCDC and DMCI land despite having the correct paperwork in place," dagdag pa niya.
Makikita sa ipinost niyang video, sinabi ng kinatawan na ipa-padlock daw ang bahay. Pumasok din ang mga ito sa loob at vinideohan ang ilang kagamitan sa loob ng bahay.
Ani Maggie, ipinakita raw ng kaniyang kapatid ang contract ng property sa mga kinatawan. Tumawa raw ng malakas ang mga ito at umalis.
Nabanggit pa niya na may dalang baton ang mga barangay personnel.
“I fear that if I was there, they would have used them on me," aniya.“I am currently away for business. I'm scared for mine and my family’s life."
Samantala sa dulong bahagi ng video, hinikayat ni Maggie ang gobyerno na gumawa ng hakbang tungkol sa ganoong isyu.
“I urge our government and others to please step in and do something immediately. I plead with you and the online community to help me raise awareness that this kind of human rights harassment happens in the Philippines, especially to women day in and day out."
Ikinasal sina Maggie at Victor noong 2010 subalit ginulat nila ang publiko nang i-anunsyo nilang hiwalay na sila, noong 2021.
Kasalukuyang trending topic sila ngayon sa Twitter.
