Bongga si Kapuso Comedienne na si Herlene Nicole “Hipon Girl” Budol dahil nagkaroon na siya ng bagong bahay na kanyang pinapangarap. Naisakatuparan ito sa pamamagitan ng kanyang mabait at generous na manager na si Wilbert Tolentino.
Ibinahagi ito ni Wilbert sa kanyang vlog bago bisitahin ang house and lot na located din sa Angono, Rizal na kung saan naroon ang angkan ng Budol family. Isa ring motivation ito para kay Herlene ang pagtupad ng pangarap ng kanyang manager. Sey niya, “Although si Hipon alam niyo talaga yun talaga ang ano ko sa kanya na parang pang motivation ko sa kanya.
“Kung si Madam Inutz bago siya pumasok sa PBB magkakaroon na siya ng bahay. Si Hipon naman bago naman siya pumasok sa BBP mayroon din siyang bahay. So ano bigyan niya talaga ng effort ng times 3, times 5. Yan dapat ibigay na niya lahat yung pinaka energy niya dahil one crown, one dream, one infinite possibility.”
Binanggit muli ni Wilbert na never magiging repeater si Hipon sa Binibining Pilipinas kaya ibigay na raw ng todo ng komedyante ang lahat lahat. Kaya naman daw one crown can make her superstar. Nandoon na raw si Hipon kaya karererin na raw nito sa mismong final night. Hangad ni Wilbert na makasungkit ng korona ang kanyang talent dahil life changing daw ang mangyayari kay Hipon.
#WalangPasok: Class suspensions ngayong Biyernes, Sept. 20
Nang makarating naman sila Wilbert sa bahay na bibilhin nameet nila ang mismong may-ari at sinamahan silang libutin ang bawat corner nito. Sa mismong araw ding iyon nagbayad si Wilbert ng earnest money na P100,000 para raw i-close deal ang bentahan at wala ng i-entertain pang mga inquiries ang may-ari.
Sa paglalarawan naman ng bahay ni Hipon. Ayon kay Wilbert, may 216 sqm na bungalow ito at may dalawang apartment na two storey na puwedeng rentahan. Sabi pa ni Wilbert, ipaparenta raw ni Hipon yung isa nang sa gayon makatulong at pang-suporta raw sa family nito para sa daily expenses. Dagdag pa ni Wilbert na babalik daw sila this time kasama na raw si Hipon. Para naman makita ng komedyante ang kanyang bagong bahay.
Samantala, idinaan naman sa Facebook ni Herlene ang pagpapasalamat sa kanyang manager nang kanya itong malaman. Saad niya, “Natupad din ang aking pangarap magka-house & lot. Salamat kay Sir Wilbert Tolentino. Mga kaSquammy, KaHiponatics at KaBudol ko dyan sobrang speechless po ako at overwhelmed.”
