Matapos mag-viral ang isang TikTok user kasama ang YouTube personality na si Zeinab Harake, ay agad namang may konklusyong nabuo sa maraming netizens ukol sa totoong score ng dalawa.
Tumabo na sa mahigit 1.7-M views ang isang TikTok video ng nagngangalang Hans Alcanzare noon pang Mayo kung saan makikita ang tila intimacy nito kasama si Zeinab.
11 na buwan sa kulungan: Ricardo Cepeda, pansamantalang nakalaya
Sa maikling 14-segundo na content, makikita ring nakaakbay si Zeinab at nagtama rin ang mukha ng dalawa, bagaman hindi naghalikan.
Kamakailan lang, isang tweet ng online personality ang pinag-usapan kung saan sa isang larawan ay makikitang intimate ito kasama ang isang misteryusong lalaki, dahilan para muling ituro si Hans sa buhay-pag-ibig ni Zeinab.
Ilan netizens pa sa Facebook ang nag-compile ng mga larawan ni Hans na sa kanilang sariling konklusyon.
Ang lalaki sa spotlight, ayon sa kanilang Facebook account ay isang urban planner at civil engineer bukod sa iba pang pinagkakaabalahan nitong propesyon.
Hindi rin napigilang mapakomento ng ilan sa maamo nitong pisikal na katangian na anila’y malayo umano sa kotrobersyal na dating partner ni Zeinab, ang singer-songwriter na si Skusta Clee.
“Marunong ka naman pala humanap ng gwapo,” saad ng isang netizen sa viral TikTok video.
“Dun tayo sa pogi para worth kapag niloko,” tila pag-kuwelyo ng isang netizen kay Skusta.
“Hottie naman nun ma!”
“Skusta clee left the group hahahhaha”
“Kung may manloloko man saken sa future sana ganito kagwapo tas civil engineering and chef.”
Samantala, dahil sa pagkaka-ungkat muli ng video at ng isyu ukol sa panibago umanong love life ni Zeinab ay nagpahayag na ang online personality ng paglilinaw sa usapin.
“La pako jowa ha kumalma kayo dami nyo kasi issue makasama ko lahat issue sa inyo eh kalmahan lang natin pano maluluto good lovelife ng ina nyo nyan !” saad ni Zeinab sa kaniyang Twitter, Miyerkules.
Kasunod ng pagsabog din ng isyu, tila hindi naman sanay si Hans sa natamong atensyon mula sa netizens dahilan para patayin muna nito pansamantala ang kaniyang online notifications.
