Nauwi sa pagkamatay ng isang estudyante ang pagkakasuntok sa kaniya ng kaklaseng sinubukan lang gisingin kasunod ng kanilang graduation outing sa isang resort sa Guinayangan, Quezon kamakailan.
Ayon sa ulat ng ABS-CBN, ang biktima ay isang 17-anyos na Senior High School na nagtamo ng matinding pinsala sa kaniyang lalamunan.
Ang suspek, na itinurong si Warren De Guzman, 19-anyos ay agad naaresto ng awtoridad.
Sa imbestigasyon ng pulisya, ipinagdiwang ng nasa 14 magkaklase ang kamakailang pagtatapos sa hindi binanggit na eskwelahan noong Martes, Hulyo 5 sa isang beach resort sa Barangay Dancalan.
Tinatayang 132,000 pamilya, lumikas sa Eastern Visayas dahil sa super typhoon Pepito
Laman din umano ng kasiyahan ang inuman, ayon na rin sa salaysay ni Pol. Maj. Eric Veluz ng Guinayangan police.
Kinaumagahan matapos ang halos magdamag na inuman, sinubukan umanong gisingin ng biktima ang suspek at nang maalimpungatan ay dito nasuntok ng suspek ang kaklase.
Sinubukan pang dalhin sa pagamutan ang estudyante ngunit hindi na rin ito nailigtas pa dahil sa tinamong injury.
Sinampahan na ng kaso ang suspek, ayon sa parehong ulat.
