Ibinahagi ni Senador Ronald "Bato" Dela Rosa ang pagpupulong ng ilang mga datihan at bagong senador para sa 19th Congress, kasama ang kanilang magiging Senate President na si Senador Juan Miguel Zubiri.
Isinagawa ang pulong sa isang restaurant sa Makati City nitong Martes, Hulyo 5, upang talakayin umano ang mga panukalang-batas na kanilang tututukan sa pagbubukas ng 19th Congress. Tinawag ni Senador Bato na "Mama Bear's bloc meeting" ang naturang pulong dahil sa kanilang "Mama Bear" na si Senadora Cynthia Villar.
"Mama Bear’s bloc meeting with the incoming Senate President Migz Zubiri," saad sa caption ng Facebook post ni Senador Bato.
PNP, nakasamsam ng tinatayang <b>₱20B halaga ng ilegal na droga sa buong 2024</b>
Ibinahagi rin ito ni incoming Senate President Migz Zubiri sa kaniyang Facebook post.
"Nag-umpisa kami today na makipag-meeting sa ating mga kasamahan na Senador sa 19th Congress. It was a very productive meeting at nagkaisa kami na suportahan ang mga panukala na kailangan ng ating bansa para maibalik ang sigla ng ekonomiya, ibaba ang presyo ng bilihin at palakasin ang sektor ng Edukasyon para sa kabataan. First Batch itong mga kapatid ko at mamaya naman ang Second Batch."
"Mabuhay ang Bagong Senado!" ani Zubiri.
Bukod kina Senador Zubiri, Senador Dela Rosa, makikita sa litrato ang mag-inang Cynthia at Mark VIllar, Senador Francis Tolentino, Senadora Imee Marcos, Senador Bong Go, at Senador Robin Padilla.
