Ayaw daw maging kamukha ng social personality na si Whamos Cruz ang kaniyang magiging anak para makaiwas umano sa panlalait ng mga tao.
Sa isang video na inupload noong Hulyo 1, ipinaliwanag ni Whamos kung bakit niya sinabi sa kaniyang anak, sa pamamagitan ng Facebook post, na huwag sana siyang maging kamukha nito.
"WAG MO SANA AKO MAKA MUKA BABY PARA DIKA MAKARANAS NG PANG LALAIT NG IBANG TAO," ani Whamos noong Hunyo 27.
Ginawa ni Whamos ang nasabing video dahil marami umano ang nagtatanong sa kaniya kung bakit ganoon ang naging post niya.
VP Sara, tahasang iginiit na hindi niya binoto si Romuadlez
"Kaya ko ginawa yun at sinabi ko sa magiging anak ko yun para hindi niya maranasan kung ano yung nararanasan ko ngayon at kung ano yung noon ko. Kung pangit ako, edi pangit ako. Sabihin niyo na lahat sa akin na pangit ako, maitim ako, maliit ako, payat ako lahat yun sasarilinin ko na lang," paliwanag ni Whamos.
"Para 'pag labas niya [anak] okay yung itsura niya, mana sa mommy niya na maganda, na maputi, mabait, matangos ang ilong, maganda ngumiti... sana paglabas ng anak ko maging kamukha ng mommy niya para walang masabi yung ibang tao paglaki ng magiging anak ko, na hindi na rin niya maranasan yung sitwasyon ko ngayon, kung ano yung natatanggap ko sa ibang mga tao," aniya pa.
Gayunman, proud pa rin naman si Whamos sakaling maging kamukha niya ang anak.
"Proud po ako. Pero para sa akin po, mas magiging proud ako kung sakaling hindi ko talaga siya makamukha. Bakit? para paglaki niya hindi na siya makaramdam ng ano... masasakit na salita sa ibang tao.
"Kaya ang hiling ko paglabas ng anak ko, maging maganda, fresh, para ang sasabihin ng tao 'Ang ganda naman ng anak ni Whamos' yun! Yun 'di ba? Ang sarap sa pakiramdam. Na kahit naririnig ko na sa ibang tao ang mga salita nila sa anak ko na ganun, masaya na ako na nababanggit yung pangalan ko na 'Ang ganda ng anak ni Whamos.' Oh 'di ba? galing pa rin naman sa akin eh.
"Proud na proud talaga ako kung ganon yung mangyayari ha pero kung hindi naman wala akong magagawa. Proud pa rin naman ako kasi kung ano yung binigay ng Panginoon guys, pangit man o maging maganda yung bata, para sa akin doon ako. Kung anuman ang ibigay ni Lord, doon ako," aniya pa.
Kaugnay na Balita: https://balita.net.ph/2022/06/21/whamos-cruz-at-antonette-gail-magkakababy-na-pinag-isipan-namin-nang-matagal-ito/" target="_blank">https://balita.net.ph/2022/06/21/whamos-cruz-at-antonette-gail-magkakababy-na-pinag-isipan-namin-nang-matagal-ito/
