Rumesbak ang batikang showbiz columnist na si Lolit Solis sa mga umano'y bumabatikos sa aktres na si Kris Aquino dahil sa pagsusuot umano nito ng pearl necklace.
"Marami nagri react duon sa suot ni Kris Aquino na pearl necklace, Salve. Akala ng iba, bakit may sakit na, naka south sea pearls pa na gamit sa loob ng bahay," sey ni Lolit.
"Hindi nila alam na may feng shui na nagsabi kay Kris Aquino na panlaban sa sakit at mga negativity sa buhay ang alahas na perlas. Dahil ang pearl lang daw ang jewelry na buhay o may life kaya ito lang ang puwede absorber ng ating katawan," dagdag pa niya.
"Kaya dahil naniniwala dito si Kris lagi siyang may suot na isang pearl jewelry araw araw, be it necklace, ring, pendant o bracelet. Si Kris talaga believer ng mga feng shui at oriental medication kaya naman traditional ang kanyang mga paniniwala.
50.78% examinees, pasado sa Nov. 2024 Licensure Exam for Agriculturists
"Maganda nga na lahat ng sinasabi sa kanya tungkol sa medical procedures o bagay ginagawa niya at sinusunod. Basta all prayers for the Aquino, Kris, Joshua and Bimby. Gagaling sila at magiging healthy, dahil marami ang nagmamahal sa kanila. More prayers please," paliwanag pa ni Lolit.
Matatandaan nitong Hunyo 30 muling nagbigay ng life update si Kris Aquino tungkol sa kaniyang Instagram.
“For now, 12 noon, June 29, 2022 where we are-this is what i felt you needed to know, straight from me para alam ng lahat ito ang to totoo,” ayon sa caption ni Kris.“This isn’t a permanent goodbye, ibalato nyo na lang hanggang malagpasan namin itong matinding pagsubok. Thank you for all your prayers- i am forever #grateful.”
“Promise, pag may good news ako, after thanking God & telling my sisters & my trusted friends- you’ll see a post from me. In God’s perfect timing…” giit pa ni Krissy.
