Cayetano, naispatan sa isang mall, hiniritan sa ipinangakong ₱10K na ayuda

By Richard de Leon

June 25, 2022

In BALITA National

Usap-usapan ngayon ang video ng isang lalaking pabirong naningil kay Senator-elect Alan Peter Cayetano ng 10,000 pisong ayuda, na ipinangako nito noon sa lahat ng pamilyang Pilipino.

Sa naturang video, makikita si Cayetano at misis nitong si Taguig Mayor-elect Lani Cayetano na naglalakad sa isang hindi tinukoy na mall.

Nilapitan ng lalaki si Cayetano at ipinaalala ang pangakong ayuda nito.

"Uy si ano, si ano (Cayetano)… Sir, ₱10K ko, Sir… Sir, ₱10K," anang video uploader. Hindi siya pinatulan ng senador at dumiretso lamang sa kaniyang paglalakad. Hindi na rin siya sinundan ng video uploader dahil may mga bodyguard ito.

Matatandaang naghain si outgoing Taguig-Pateros representative Cayetano na mabigyan ng ₱10K na ayuda ang bawat pamilyang Pilipino sa kasagsagan ng pandemya noong Mayo 2021. Sa kasawiang-palad ay hindi ito naipasa sa Kamara.

Ayon naman sa mga netizen, ang lalaking video uploader ay maituturing na "pinakamatapang na nilalang" sa buong mundo.

'Kakasa ka ba?': VP Sara, hinamon ni Rep. Khonghun na magpa-lie detector test

Hinamon ni Zambales 1st district Rep. Jay Khonghun si Vice President Sara Duterte na sumailalim sa lie detector test kasama si retired Department of Education (DepEd) undersecretary Gloria Jumamil-Mercado para malaman daw kung sino sa kanilang dalawa ang nagsasabi ng totoo.“Kung talagang sa puso ni VP Duterte eh feeling niya nagsasabi siya ng totoo, mag-lie detector test na lang silang...

PBBM sa senatorial slate niya: 'This will lead us to a stronger, more prosperous PH'

Kumpiyansa si Pangulong Ferdinand “Bongbong” Marcos Jr. sa kaniyang 12 line-up ng senatorial candidates na ineendorso ng kaniyang administrasyon para sa 2025 midterm elections.Sa isang Facebook post nitong Huwebes, Setyembre 26, sinabi ni Marcos na magdadala ang alyansang susuportahan ng administrasyon sa susunod na elekyon ng isa umanong mas malakas at mas maunlad na Pilipinas.“I stand by...

Zubiri, pinayuhan si SP Chiz: 'Never be too attached to your office'

Bilang dating pangulo ng Senado, pinayuhan ni Senador Migz Zubiri si Senate President Chiz Escudero, at maging ang mga susunod pang magiging Senate leaders, na huwag masyadong maging kampante sa kaniyang puwesto dahil “normal occurrence” daw ang ouster plots sa Upper Chamber.Sa ginanap na Kapihan sa Senado forum nitong Huwebes, September 26, na inulat ng Manila Bulletin, sinabi ni Zubiri na...