“Super kilig” ang award-winning Kapamilya star na si Dimples Romana sa imbitasyon sa kaniya ng International Emmy Awards Competition para maging bahagi ng jury ngayong taon.
“Starting this amazing week with a heart full of gratitude as I share with you one of the many surprise blessings I received these past months! And now finally I can officially share my joy with you,” saad ng aktres sa kaniyang Instagram post, Lunes.
Isang karangalan aniya ang mapabilang sa isa sa mga pinakamalaki at pinakaprestihiyusong award-giving bodies sa industriya ng telebisyon.
“I thank the International Academy of Television Arts & Sciences for letting me have this once-in-a-lifetime experience that has truly inspired my thespian heart,♥️” ani Dimples.
Mag-asawang hindi nakapagtapos ng pag-aaral, pinagtapos naman ang 9 na anak!
“Contributing to selecting the BEST TELEVISION programming from around the WORLD was both my honor and pleasure.#iemmys” dagdag niya.
Itinuturing ng aktres na isang blessings ang pambihirang pagkakataon.
“Maraming maraming salamat po muli! And I can’t wait to join in on the festivities in New York City come November 😘”
Si Dimples ay kilalang mukha ng ilang patok na serye sa telebisyon sa Pilipinas kabilang ang “Kadenang Ginto” at “Viral Scandal.”
