Isang masayang kasalan ang naganap sa isang simbahan sa Lipa City, Batangas dahil bukod sa seremonya ng pagsasama habambuhay, ikinamangha rin ng bagong kasal ang rebelasyon ng paring nagsagawa nito, na matagal na pala silang nagkrus ang mga landas.

Bago pa man daw magkakilala ang dalawa noong 2017, nahulog sa isa't isa, at nagdesisyong mag-isang dibdib ay nag-krus na pala ang landas nina Mr. and Mrs. Marlon and Ken Loyce Panaligan sa kanilang bayan, ayon mismo kay Father Rodem Ramos na siya ring nagsagawa ng seremonya ng binyag sa kanilang dalawa, noong 2000!

"𝗦𝗢𝗕𝗥𝗔𝗡𝗚 𝗦𝗔𝗬𝗔 𝗻𝗴 𝗸𝗮𝘀𝗮𝗹 𝗸𝗮𝗻𝗶𝗻𝗮!" ayon sa Facebook page ng Parish of Sto. Niño de Lipa.

"Noong tinanong ni Father kung kailan sila unang nagkita ay sumagot agad ang dalawa ng '𝗡𝗢𝗩𝗘𝗠𝗕𝗘𝗥 𝟰, 𝟮𝟬𝟭𝟳' po. Biglang sinabi ni Father na HINDI TOTOO!"

Human-Interest

BALITrivia: Ang ‘I Love You’ na nagbigay ng trauma sa halip na kilig noon

"BAKIT??? Sapagkat hindi totoo na 2017 lang sila nagkita kasi base sa kanilang 𝗕𝗔𝗣𝗧𝗜𝗦𝗠𝗔𝗟 𝗖𝗘𝗥𝗧𝗜𝗙𝗜𝗖𝗔𝗧𝗘, 𝗡𝗢𝗩𝗘𝗠𝗕𝗘𝗥 𝟰, 𝟮𝟬𝟬𝟬 sila sabay na nabinyagan ni Fr. Rodem Ramos!"

"Ang GALING talaga ng timing ng DIYOS!"

Nanawagan ang pari na ipagdasal ang pagsasama ng mag-asawa.