Mukhang dedma na ang singer-rapper na si Skusta Clee o Daryl Ruiz sa tunay na buhay, sa mga nakukuha nitong batikos mula sa kaniyang mga bashers dahil sa paghihiwalay nila ng vlogger na si Zeinab Harake.
"Don't let these trolls fuck your mental health," sey niya sa kaniyang Facebook post nitong Miyerkules, Hunyo 15.
Skusta Clee at napababalitang bagong jowa, flinex ang isa't isa sa social media
Kamakailan ay naging trending si Skusta Clee nang kumalat ang ilang mga video clips sa naganap na isang concert.
Sa naganap na concert kamakailan lamang ay nagulat ang audience ng palitan niya ang lyrics sa kantang “Zebbiana” na alay umano niya noon sa dating karelasyong si Zeinab Harake. Humirit kasi ang audience na sana raw ay kantahin niya ito.
“Sayang ‘di na ikaw ang baby ko, ang baby ko…”bahagi ng lyrics na binago ni Skusta Clee.
Hindi lamang iyan ang pinag-usapan dahil kumakalat din ang video clip ng pagsigaw ng “Boo!” ng audience sa kaniya at pagsigaw ng “Cheater! Cheater!”
Matatandaang noong Hunyo 9 ay kapwa naglabas ng kanilang litrato sa IG stories si Skusta at ang napapabalitang bagong jowa nitong si Aira Mae Lipata, sa kani-kanilang mga social media stories.
Makikita sa IG story ni Aira ang eksaktong litratong ibinahagi naman ni Daryl sa kaniyang sariling IG story. Makikitang tila nakaupo si Aira sa isang counter habang si Skusta Clee naman ay nakatanghod dito, at tila may tinitingnan sa ibang dako.
Matatandaan na halos kasabay ng kainitan ng halalan noong Mayo 9 ay ang pasabog na rebelasyon ni Harake na hiwalay na sila ulit ni Skusta Clee, sa Mother’s Day episode ng Toni Talks ni Toni Gonzaga noong Mayo 8.
Naging emosyunal si Harake sa pagbabahagi ng masasakit na karanasan niya sa buhay bilang isang ina at partner kay Skusta na ilang beses na ring dumaan sa alanganin ang kanilang relasyon.
