Binuksan ng Metropolitan Manila Development Authority (MMDA) ang motorcycle at bicycle repair station sa panulukan ng EDSA Quezon Avenue sa Quezon City nitong Miyerkules.
Bukas ang repair station mula 5:00 ng madaling araw hanggang 9:00 ng gabi kung saan nakabantay ang dalawang trained personnel ng MMDA na inatasang tumulong sa mga nasiraan ng motorsiklo at bisikleta sa lansangan.
Kumpleto rin itosa kagamitan katulad ng air compressor, heat press, vulcanizing patch at iba ibat tools gaya ng vice grip, allen wrench at iba pang kagamitan na kailangan para magkalas ng mga gulong.Ayon sa MMDA, sa kasalukuyan may dalawa na silang repair stations, ang isa ay nasa EDSA at ang isa pa sa Roxas Boulevard.
“The thrust of this project is to provide free space and assistance in cases where emergency repairs are needed rather than towing the vehicles, outright. The only time the vehicle will be towed is when it is beyond repair,” ayon naman kay MMDA chairman Romando Artes.
