Bilang Navy reservist, isang panibagong pagkilala ang iginawad kay Miss Universe Philippines 2021 Beatrice Luigi Gomez.
Kalakip ang ilang serye ng larawan sa kanyang Instagram post, ibinahagi ng Cebuana beauty queen ang kanyang pagdalo sa isang seremonya na pinangunahan ng Philippine Marine Corps kamakailan.
“It always feels like home. I am honored to be welcomed into a new family as an Honorary Member of Friends of Marines (FOM),” ani Bea sa kanyang Instagram post, Miyerkoles.
Isang karangalan din aniya ang makilala bilang Military Merit Medal (3M) awardee.
ALAMIN: Mga dapat malaman at gawin upang maging ligtas sa ‘tsunami’
Pinasalamatan ni Bea ang Philippine Marine Corps Foundation Inc sa pangunguna ni President LTGEN Juancho M. Sabban PN(M)(Ret) at maging si Commandant of the Philippine Marine Corps MGEN Nestor C. Herico PN(M).
“Rest assured that I will continue to pursue my involvement to support military operations to serve the Filipino people,” ani Bea.
Hindi naman naitago ng kaibigang si Miss Universe 2021 Harnaaz Sandhu ang bagong milestone na ito ni Bea bilang lingkod-bayan.
“Never missing any chance to make us proud! #girlpower ❤️ Chak de Phatte 👏🙏🏻” komento ng Indian titleholder sa IG post ni Bea.
Bago naging beauty queen, aktibong community development worker si Bea sa kanilang komunidad sa Cebu City.
