Binati ng Malacañang nitong Miyerkules ng gabi sina President-elect Ferdinand “Bongbong” Marcos Jr. at Vice President-elect Sara Duterte-Carpio kasunod ng kanilang proklamasyon sa Kongreso na nagsilbing National Board of Canvassers para sa 2022 elections.
Sa isang pahayag, sinabi ni Communications Secretary Martin Andanar na “today’s proclamation ceremony by Congress marks another historic milestone in our political life as a nation.”
Sinabi niya na ang kaganapan ay binibigyang diin “that we are, indeed, a showcase and beacon of democracy in this part of the world.”
Habang nakatakdang simulan nina Marcos Jr. at Duterte-Carpio ang kanilang mga bagong responsibilidad at hamon sa kani-kanilang mga tanggapan, sinabi ni Andanar na nananawagan ang Palasyo sa mga tao na “to stand behind our newly elected leaders.”
VP Sara, hindi 'isang kaibigan' si PBBM; nagkakilala lang dahil sa eleksyon
Si Marcos Jr. ay anak ni dating Pangulong Ferdinand Marcos Sr. habang si Duterte-Carpio ay anak ni outgoing President Rodrigo Duterte.
“The Office of the President shall ensure a peaceful, orderly and smooth transfer of powers to the President-elect as we extend all the necessary support and assistance to various transition activities,” ani Andanar.
“Mabuhay ang Pilipinas. Mabuhay ang mga Pilipino,” dagdag nito.
Joseph Pedrajas
