Tinanggap ni Cavite Rep. Jesus Crispin “Boying” Remulla ang alok umano na maging kalihim ng Department of Justice (DOJ) ng papasok ng administrasyon ni Marcos.
"I really work hard, I am devoted to my duties. Kaya, it doesn’t take much naman when you’re told by the president. It’s understood already,” ani Remulla nitong Lunes, Mayo 23.
"Marami kaming naging conversation ni incoming President Marcos during the campaign… at that time I had no idea I was being considered at that time. The other specific things we will talk about it later kasi maraming mali sa ating Justice system na dapat itama," ayon pa sa kongresista.
FL Liza Araneta-Marcos, nanguna sa pagbubukas ng ilang atraksyon sa Intramuros
Kamakailan, itinalaga ng kampo ni presumptive president Bongbong Marcos Jr. si Benhur Abalos bilang susunod na Department of the Interior and Local Government (DILG) secretary at si presumptive vice president Sara Duterte naman bilang secretary ng Department of Education (DepEd).
Nito lamang weekend, tinanggap din ni Atty. Vic Rodriguez, spokesman ni Marcos, ang posisyon bilang executive secretary.
