Tuwang-tuwa si Gab Valenciano na matapos raw ang 33 taon, sa wakas ay may 'nickname' o titulo na siya bilang isang performer.

Kung ang tatay niyang si Gary Valenciano ay 'Mr. Pure Energy', si Gab naman daw ang 'Mr. Renewable Energy', ayon mismo kay vice presidential candidate at Senador Kiko Pangilinan.

"After 33 years, meron na akong sariling nickname c/o @kikopangilinan," saad ni Gab sa kaniyang tweet kalakip ang screengrab ng tweet ng senador na kandidato sa pagkapangalawang pangulo.

https://twitter.com/gabvalenciano/status/1518497233687441409

"Palakpakan natin si @gabvalenciano. 26 na rallies na siya nagpe-perform. Hindi napapagod. Kung ang tatay si Mr. Pure Energy, siya naman si Mr. Renewable Energy," sey ni Sen. Kiko.

Umani naman ito ng iba't ibang reaksyon at komento mula sa mga netizen.

"True naman! You’re inspiring a new generation."

"Nanood kami sa YouTube live noong Pasay rally, sabi ko sa ate ko pag si Gab Valenciano yung nagcha-chant yung mga tao buhay na buhay. Lalakas ng boses sa pagsagot."

"Can you imagine being introduced on stage to perform. 'Ladies and Gentlemen, please welcome. Mr. Renewable Energy himself, Gab Valenciano'."

Matatandaang pabirong ginaya ni UniTeam supporter Archie Alemania ang paraan ng pag-chant ni Gab V.

Nakarating naman ito kay Gab at pabirong hiniritan niya ito ng "Game over, Archie".

Basahin: https://balita.net.ph/2022/04/24/gab-v-pabirong-bumwelta-kay-archie-alemania-sa-panggagaya-nito-sa-kaniya-game-over-archie/">https://balita.net.ph/2022/04/24/gab-v-pabirong-bumwelta-kay-archie-alemania-sa-panggagaya-nito-sa-kaniya-game-over-archie/

Agad namang tumugon dito si Archie sa kaniyang IG post at sinabing nagpapraktis na sila ng komedyanteng si Gary Lim.

Basahin: https://balita.net.ph/2022/04/24/archie-tumugon-sa-pabirong-banat-ni-gab-na-game-over-nagpapraktis-na-raw-kasama-si-gary-lim/">https://balita.net.ph/2022/04/24/archie-tumugon-sa-pabirong-banat-ni-gab-na-game-over-nagpapraktis-na-raw-kasama-si-gary-lim/