Proud na ibinahagi ng kontrobersyal na aktor na si Baron Geisler ang kanyang pagtatapos sa kolehiyo noong Lunes, Abril 25, 2022.
"My journey has reached its goal, and opened a way before me. Thank you Lord!" pagbabahagi ni Baron sa kanyang Instagram post nitong Martes, Abril 26. May kalakip itong mga larawan ng kanyang graduation.
View this post on Instagram
National
50.78% examinees, pasado sa Nov. 2024 Licensure Exam for Agriculturists
Natapos ni Baron ang kursong Bachelor of Arts in Theology sa All Nations College sa Antipolo City.
Sa kanyang Instagram story naman, ibinahagi niya ang programme o invitation ng kanyang graduation at pinasalamatan din niya ang isa sa mga naging guro niya.
"Doc. Eph, maraming salamat po! 2019 tayo nagstart at heto na po, nasagot ng Panginoon ang aking pangarap na makapagtapos ng kolehiyo," saad niya. Mayroon din itong hashtag na #ITSNEVERTOOLATE.
Noong nakaraang taon, naiulat ang pagbabalik sa "tuwid na landas" ng 39-anyos na aktor.
Kung susundan ang naging buhay ni Baron, aminadong naging pasaway talaga siya. Napabayaan niya umano ang sarili at showbiz career.
Ayon sa panayam ni Toni Gonzaga sa kaniya sa ‘ToniTalks’ na umere noong April 24, 2021, tanggap umano ni Baron na may mga taong hindi pa rin naniniwala at patuloy na magdududa na totoong nagbago na siya.
Emosyonal na isinalaysay ni Baron ang tungkol sa naging journey niya sa pagbabagong-buhay simula noong magkaroon na siya ng sariling pamilya at manirahan sa Cebu.
Basahin: https://balita.net.ph/2021/09/09/total-transformation-ni-baron-geisler-ikinatuwa-ng-netizens/" target="_blank">https://balita.net.ph/2021/09/09/total-transformation-ni-baron-geisler-ikinatuwa-ng-netizens/
Samantala, kamakailan ay naging mainit na naging usap-usapan sa social media ang ibinahaging video ni Baron kung saan makikitang nagtatalo sila ng misis na si Jamie Evangelista dahil sa paglalasing na naman ng una kasama ang ‘sugar mommy’ nito; makikitang hinagisan pa ni Jamie ng water jug si Baron na naging dahilan upang matapunan ng tubig ang kama nila.
Burado na ang naturang video na inupload mismo ng aktor sa kanyang Facebook account. Kinumpirma mismo ni Jamie na tila bumabalik na naman sa malalang pagtoma ang mister kaya binabalak nitong magpa-rehab ulit.Basahin:https://balita.net.ph/2022/04/13/baron-balik-toma-magpapa-rehab-ulit-may-chemical-imbalance-na-talaga-siya-sey-ng-misis/
