Binawian ng buhay ang 6'7" na dating manlalaro ng NLEX Road Warriors na si Eric Suguitan sa kanilang bahay sa Isabela nitong Biyernes Santo.
Ito ang isinapubliko ng pastor na si Richard Dy na dating kasamahan ni Suguitan sa Victory U-Belt church nitong Linggo.
Aniya, namatay si Suguitan sa kanilangbahay sa Cauayan City, Isabela kung saan kasama nito ang kanyang ina at mga kapatid.
Ayon kay Dy, naoperahan na sa puso si Suguitan noong 2015.
'Pikon daw?' UAAP fan na nag-dirty finger, agaw-eksena sa San Juan Arena!
“He was supposed to travel to Heart Center after the Holy Week kasi nag-chest pain na siya. Bumuti 'yung pakiramdam niya nung Maundy Thursday, pero naka-schedule na din siya pa-biyahe for checkup after exchanging messages with his doctor. Unfortunately, hindi na siya umabot,” lahad ni Dy sa sports website na Spin.ph.
Si Suguitan ay ni-recruit ni dating PBA player Rommel Adducul na kababayan din nito sa Cagayan.
Naglaro rin sa University of the East si Suguitan kung saan nakasama niya ang isa ring kababayan na si Val Acuna, lumipat sa San Beda bago napunta sa ACSAT sa Universities and Colleges Athletics Association (UCAA).
Naging bahagi rin siya ng NLEX sa PBA D-League kung saan sila nakatikim ng tatlong tatlong sunud-sunod na kampeonato.
Noong 2012, kabilang si Suguitan sa PBA draft at kinuha siya ng Meralco bilang No. 32 overall. Gayunman, hindi pumirma ng kontrata.
