Grand rallies ng UniTeam sa Leyte, Leni-Kiko sa Pampanga bukas, star-studded!-Balita

Parehong nakatakdang ganapin bukas, Sabado, Abril 9, ang magkahiwalay na grand rallies ng UniTeam at Leni-Kiko tandem sa Leyte, at Pampanga, ayon sa pagkakasunod-sunod. Ilang kilalang celebrities naman ang inaasahang present sa parehong kampanya.

Inaasahang mapupuno ng UniTeam tandem nina Presidential candidate Bongbong Marcos Jr. at running mate nitong si Davao City Mayor Inday Sara Duterte ang Grandstand sa Tacloban City, bukas, Sabado.

Kilalang baluwarte ng pamilyang Marcos ang isla ng Leyte kung saan nagmula ang dating First Lady na si Imelda Marcos.

Ayon sa listahan ng mga performers, star-studded ang grand campaign rally para sa show of force ng mga tagasuporta ng mga Waraynon sa BBM-Sara.

Kabilang sa mga magpe-perform sina Toni Gonzaga, Andrew E, Renz Verano, Anton Diva, Bayani Agbayani, Karla Estrada, Rodjun Cruz, Plethora, Salbakuta, Siakol, Dukas band, Beverly Salvejo at The Fridays and ILT band.

Samantala, inanunsyo na ng Traffic Operation Management Enforcement and Control Office (Tomeco) ng Taclovab ang pagsasara ng ilang mga kalsadang ito para sa nasabing political event:

1. Corner Avenida Veteranos - Salazar St (patungong Eastern Visayas State University)

2. Corner Avenida Veteranos - Paterno St (patungong Leyte Normal University)

3. Corner Avenida Vetaranos - Juan Luna St

4. Real - Indepencia St.

5. Utap -Sampaguita- Apitong road (Pinapayuhan ang mga motorista na bagtasin na lang ang El Reposo)

6. Athletic Road

Pupunuin din ng mga maningning na celebrities ang tinawag na "Malakaran: Pampanga People’s Rally" nina Presidential aspirant at Vice President Leni Robredo at running mate nitong si Sen. Kiko Pangilinan sa San Fernando, Pampanga.

Kasama sa mga showbiz personalities na kasama sa rally sina Nadine Lustre, Jona, Sam Concepcion, Gab Valenciano, The Company, Bukas Palad Music Ministry, at ang mga bandang Mayonnaise, The Itchyworms at Rivermaya.

Magsisilbing hosts naman sa parehong event sina Jolina Magdangal, Nikki Vladez, K-Brosas, Pepe Herrera, Alex Calleja, Elijah Canlas, Kokoy De Santos, Miles Ocampo, Mela Habijan, Miles Ocampo, Mama Loi at Ogie Diaz.

Sa Robinsons Starmills, San Fernando Pampanga nakatakdang ilunsad ang star-studded rally ng Leni-Kiko tandem.

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...