Isiniwalat ni presidential candidate Senador Panfilo "Ping" Lacson nitong Biyernes, Marso 25, na hinihingan siya ₱800M ng chief of staff ni Davao del Norte Rep. Pantaleon Alvarez, presidente ng Partido Reporma.
Ito raw ang totoong umanong dahilan kung bakit nagdesisyon si Alvarez na ibang kandidato ang kanilang i-eendorso.
Matatandaan nitong Huwebes, Marso 24, inendorso ng Partido Reporma ang kandidatura ni Vice President Leni Robredo sa pagka-pangulo ilang oras matapos ipahayag ni Lacson ang pagbibitiw niya bilang chairman ng partido.
"If pre-election surveys was his [Alvarez] primary reason for switching his support, I don't believe it because like me, Mayor Isko, and Sen. Pacquiao, his newly chosen candidate is also lagging far behind the survey leader," sabi ni Lacson.
DOH, nakapagtala ng 17 firework-related injuries sa loob lamang ng 24 oras
"Time to call a spade, a spade. It was actually more about the issue of campaign expenses for their local candidates. His chief of staff was asking for 800 million pesos in additional funding which I honestly told him I cannot produce," pagdidiin ng presidential aspirant.
Gayunman, wala siyang sama ng loob kay Alvarez.
“As I said yesterday, I harbor no ill-feelings for what he did. It is better that we both stop talking about this but if he insists to explain his action, I’ll be prompted to respond to correct his statements.”
Nitong Huwebes, sinabi rin ni Lacson na matagal na umano siyang inabandona ng Partido Reporma mula pa noong nagsimula ang campaign period.
“Matagal na nila ako in-abandon, noong nagstart yung campaign period, they are no longer present on the ground.Matagal na ito, may mga insinuation na rin. I’m just keeping it to myself. May mga insinuation na including kung sino yung kanilang gustong i-endorso," saad niya.Basahin:https://balita.net.ph/2022/03/24/lacson-sa-partido-reporma-matagal-na-nila-akong-inabandona-im-just-keeping-it-to-myself/
