Trending topic ngayon sa Twitter si Janno Gibbs dahil sa kanyang inilabas napolitical satire videona may title na " data-type="URL" data-id="">"BTS: President Gibbs Headquarters" nitong Huwebes, Marso 17.
Isang politikong tumatakbong presidente ang role rito ni Janno habang senior adviser naman niya si Congressman Manik Manaog na ginagampanan ng batikang aktor na si Leo Martinez.
Sa unang bahagi ng video, makikitang pinapanuod ni Congressman Manik Manaog ang satire na video ni Darryl Yap na Len-Len series. Sinabi niyang "viral" ang naturang video.
Umeksena naman si President Gibbs, role ni Janno, na itinanong niya kung ano ang pinanunuod ng kanyang umano'y senior adviser.
"Ay eh, yung pinagawa natin kay Daryl.. yung 'bang ah-- Len-Len content," anang congressman.
Napuna naman ni President Gibbs, na puro tungkol sa kalaban umano ang ginagawang content ng congressman.
"Hindi ba pwedeng gumawa naman kayo ng content na tungkol sakin. Tungkol sa mga accomplishments ko, achievements," anang presidente.
Binara naman ito ng umano'y congressman, "Bakit? may accomplishment ka ba? Ay, wala naman eh! Ano bang nagawa mo the past few years ha?"
Binanggit ni President Gibbs ang kanyang mga naging accomplishments katulad ng pagsali niya sa Ang Probinsyano at pagkakaroon ng noontime show.
Pinagmalaki rin niya ang mga nagawa ng kanyang tatay.
"Ang tatay ko, napakaraming awards. Grandslam!" ani President Gibbs.
"Ay tatay mo iyon! Eh ikaw? Ikaw mismo may award ka ba? Wala naman eh!" ayon naman kay Congressman Manik Manaog.
Natalakay rin sa video ang tungkol sa Comelec debate na gusto umanong daluhan ni President Gibbs.
"Oy oy oy, pag sumali ka diyan eh mahahalatang bobo ka?" pambibira ng congressman.
"Ay grabe siya hindi naman ako bobo 'no. Matalino ito 'no. Nag masters nga ako sa Ateneo eh." saad ni President Gibbs.
"Alam naman nating lahat na hindi peke 'yon," sagot ng congressman.
At sa huling bahagi pinansin din ng congressman ang pag-inom ni President Gibbs ng softdrinks.
"President Junior, masyado ka nang mag-coke ah. Ay hindi mo ba alam na masama sa katawan mo iyan?" anang karakter ni Leo Martinez.
"Masama ang sugar sa katawan mo... mangingiwi ka pa diyan."
Gayunman, hindi naman hayag kung sinong kandidato sa pagka-presidente ang sinusuportahan ni Janno Gibbs.
Samantala, as of writing, umabot na sa 16,242 views ang naturang video ni Janno Gibbs.
Umani naman ito ng ilang mga positibong komento mula sa mga netizens:
