Suportado ng Liga ng mga Barangay sa Pilipinas ang vice presidential bid ni Davao City Mayor Sara Duterte.
Ito ang matapang na deklarasyon ni Liga President Eden Chua Pineda, na nag-host kay Duterte sa 3rd general membership assembly ng grupo noong Sabado, Marso 5 sa SMX Convention sa Pasay City.
We are grateful and thankful na binigyan po tayo ng pagkakataon at panahon para magkaisa po tayo dito…Rest assured, our 1,001 [percent] full support sa kandidatura niya,” ani Pineda.
“We are always here, behind you, supporting you, because we know for a fact na ‘yung puso mo ay nasa barangay,” dagdag ng opisyal ng Liga kay Duterte.
Romina, patuloy na kumikilos patungong Southern Kalayaan Islands
Sa kanyang talumpati sa pagtitipon, binigyang-pugay ng presidential daughter ang hindi makasarili at “buwis-buhay” na pagsisikap ng mga barangay workers sa bansa sa buong panahon ng Covid-19 pandemic. Aniya, ang mga opisyal ng gobyerno mula sa mga mayor hanggang sa mga gobernador ay lubos na umaasa sa mga manggagawa sa barangay upang ipatupad ang mga protocol at mekanismo ng pagtugon sa panahon ng krisis sa kalusugan.
“While we continue to face the challenges that this current pandemic has brought to our respective localities, we recognize the importance of our barangays as one of the primary implementing units in ensuring the continuity of effective service delivery of our government to our communities,” ani Duterte.
“I am very proud to say sa aming mga barangay captains doon sa Davao City na kahit po limitado ang resources, kahit po kulang ang budget ay gumalaw parin sila at ginawa nila ang lahat ng puwede nilang gawin para tumulong sa Covid-19 response ng aming siyudad.”
“And I would assume na ganyan din sa buong Pilipinas,” dagdag ni Duterte.
Ang Liga ng mga Barangay sa Pilipinas o Liga ng mga Barangay sa Pilipinas at ang Asosasyon ng mga Kapitan ng Barangay (Association of Barangay Captains) o ABC ay mga pormal na organisasyon ng lahat ng barangay sa Pilipinas. Sa kasalukuyan, halos 42,000 barangay ang bahagi ng organisasyong ito, na ginagawa itong pinakamalaking asosasyon ng Philippine local government units (LGUs).
Ang barangay ang pinakamaliit na yunit ng pamahalaan sa bansa.
