Hindi maitago ng Kapamilya singer na si Jed Madela ang kanyang labis na tuwa nang mag-heart-react sa kanyang direct message sa Instagram ang lider ng sikat na South Korean boy group na BTS.
Kilalang ARMY o tawag sa fans ng Kpop powerhouse, ang OPM singer kaya’t hindi nito napigilang ibahagi ang natanggap na heart reaction mula kay Namjoon o RM, lider ng BTS, nitong Martes.
Una nang naloka si Jed nang makitang na-seen ni Namjoon ang kanyang DM noong Disyembre 2021.
“Today, I was over the moon when I saw that RM of BTS has “SEEN” a pic[ture] I sent him last December; a photo of an art toy I made, knowing that he collected art toys,” pagbabahagi ni Jed.
Andrew E, ibinuking ang sikreto kung bakit loyal sa kaniya ang buong Pilipinas
“But today, before sleeping, I sent him another photo of the BTS inspired VuDu art toys I made… and he responded with a ❤️!” paglalahad ni Jed.
Sa parehong Instagram post, makikita ang resibo ni Jed, ang screenshot ng mismong heart reaction ng BTS leader sa kanyang DM.
“Yeah, I’ve met international artists in the past but when you ‘connect’ with someone you really adore, it’s different!” saad ni Jed.
Pangako ng singer na hindi na rin nakatulog dahil sa tuwa na siya'y “forever fan” ng Kpop group.
Agad namang naging trending topic sa Twitter ang pambihirang interaction ng singer sa Kpop leader.
