Muling iginiit ni Aksyon Demokratiko vice presidential candidate Willie Ong ang pangangailangan para sa isang ospital na nakatuon sa mga nakakahawang sakit sa bansa.
Sa vice presidential debate ng CNN Philippines nitong Sabado, Peb. 26, kinuwestiyon ni Ong sina Senate President Tito Sotto at Sen. Kiko Pangilinan para sa hindi paggawa ng anumang batas na mag-uutos sa pagtatayo ng mga infectious disease na ospital.
“Salamat kay Sen. Kiko at Sotto, na-pass Bayanihan. Pero bakit di nakapagpatayo ng ospital?” tanong niya.
Ipinunto ni Ong na ang mga ospital na nakatuon sa nakakahawang sakit ay magbibigay-daan sa mga kasalukuyang ospital na maserbisyuhan ang mga pasyente na may iba pang malalaking karamdaman.
#WalangPasok: Class suspensions ngayong Biyernes, Sept. 20
“Simple lang po, kailangan natin magtayo ng infectious disease hospital. Dun natin ilalagay yung mga COVID patients. Hindi pwede sa PGH kasi namamatay yung mga pasyente natin,” aniya.
Iminungkahi din ni Ong ang paglikha ng Cancer Center of the Philippines.
Samantala, sinabi ni Sotto na ang Bayanihan 1 ay "espesipikong ginawa para tugunan ang problema ng mga mabibiktima ng lockdown." “Ayuda ang inaasikaso namin,” he said.
Paulit-ulit na itinutulak ni Ong ang gobyerno na lumikha ng isang infectious disease hospital ospital, ospital ng mga bata, at Cancer Center of the Philippines.
Jaleen Ramos
