Ibinunyag ni dating Commission on Elections (Comelec) Commissioner Rowena “Bing” V. Guanzon, na nagretiro ngayong Pebrero 2, na pinag-iisipan niyang pumasok sa pulitika sa 2025 at kamakailan lamang ay na-shortlist siya para sa posisyon ng deputy Ombudsman-Visayas.
“I was shortlisted for deputy Ombudsman for the Visayas and there are three of us; one from Davao, one is a director of the Ombudsman here in Manila,” pagbubunyag ni Guanzon sa isang panayam sa CNN Philippines.
“Well, it is up to the president if he will appoint me or not, but I am a no-nonsense public servant and professor of law. So I will serve…Puwede pa naman, my brain is very active, I am still writing another book on election law,” dagdag ni Guanzon.
Nang tanungin kaugnay ng kanyang interes sa pulitika, sinabi lang ni Guanzon na “Yeah, maybe in 2025.”
Chel Diokno sa pagtakbo ng Akbayan sa Kongreso: ‘Our record speaks for itself!’
Nagpatuloy si Guanzon sa pagsasabing nasa lokal na pulitika ang kanyang pamilya sa Negros Occidental.
Naging mukha ng balita si Guanzon nitong mga nakaraang araw dahil sa bangayan nila ni Commissioner Aimee P. Ferolino. Inakusahan niya si Ferolino ng “advertently trying to delay the resolution on the disqualification cases filed against presidential aspirant Ferdinand “Bongbong” R. Marcos Jr.”
Isang araw bago ang kanyang pagreretiro noong Peb. 2, inihayag ni Guanzon sa publiko ang kanyang hiwalay na opinyon sa mga kaso ng disqualification kay Marcos sa ilalim ng First Division. Bumoto siya na i-disqualify si Marcos, na nagsasabing "ang mga katotohanan ay hindi mapag-aalinlanganan."
Bagama't ang boto o hiwalay na opinyon ni Guanzon ay hindi magiging bahagi ng opisyal na rekord ng rekord ng Comelec, magiging bahagi ito ng pampublikong rekord.
Noong 2015, hinirang ni yumaong Pangulong Benigno “Noynoy” Aquino III si Guanzon bilang Comelec commissioner.
Jel Santos
