Nakapagtala pa ang Department of Health (DOH) ng 29,828 mga bagong kaso ng COVID-19 sa bansa nitong Linggo, Enero 23, 2022.
Batay sa case bulletin #680 na inisyu ng DOH, nabatid na sa kabuuan, ang Pilipinas ay mayroon nang 3,417,216 COVID-19 cases.
Sa naturang bilang, 8.0% pa o 273,580 ang aktibong kaso o nagpapagaling pa mula sa karamdaman.
Sa mga aktibong kaso naman, 260,399 ang mild cases; 8,371 ang asymptomatic; 3,006 ang moderate cases; 1,496 ang severe cases; at 308 ang critical cases.
Orange warning, itinaas sa Metro Manila, mga kalapit na lugar
Samantala, nakapagtala rin naman ang DOH ng 36,763 bagong gumaling sa sakit.
Sa ngayon, umaabot na sa 3,090,164 na ang total COVID-19 recoveries sa bansa o 90.4% ng total cases.
Mayroon pa rin namang 67 na namatay sa karamdaman, sanhi upang makapagtala na ang Pilipinas ng 53,472 total COVID-19 deaths o 1.56% ng total cases.
Mary Ann Santiago
