Medical teams mula AFP, PNP, BJMP, PCG, ipinadala sa mga gov’t hospital-Balita

Medical teams mula AFP, PNP, BJMP, PCG, ipinadala sa mga gov’t hospital

Sa gitna ng dumaraming healthcare worker na nahawahan ng sakit na coronavirus (COVID-19), sinimulan ng pambansang pamahalaan ang pag-deploy ng mga tauhan mula sa security sector upang dagdagan ang mga manggagawa sa mga ospital.

Tiniyak ni Secretary Carlito Galvez Jr., vaccine czar at chief implementer ng National Task Force (NTF) Against COVID-19, na “ginagawa ng gobyerno ang mga kinakailangang hakbang” upang matugunan ang dumaraming bilang ng mga healthcare worker na nagkakasakit.

Bahagi ng kanilang istratehiya ang paglalagay ng mga tauhan mula sa Armed Forces of the Philippines (AFP), Philippine National Police (PNP), Bureau of Jail Management and Penology (BJMP), at Philippine Coast Guard (PCG) – partikular ang mga may background na medikal – upang ipagpatuloy ang mga operasyon ng iba't ibang pasilidad sa pangangalagang pangkalusugan sa gitna ng pagdami ng mga kaso.

“We mobilize the armed forces, PNP, BJMP, and our Coast Guard to reinforce hospitals that lack healthcare workers,” sabi ni Galvez.

Ang AFP, PNP, BJMP, at PCG ay may sariling pangkat ng mga medical professional na maaaring magdagdag sa hanay ng mga manggagawa ng mga ospital na kapos sa lakas-tao, aniya.

Hindi malinaw kung gaano karaming mga tauhan ang kasalukuyang naka-deploy sa iba't ibang pasilidad ng medikal sa buong bansa para sa misyong ito.

Ayon sa Department of Health (DOH), nasa 6,600 health workers sa Metro Manila, o 7.2 percent ng mga tauhan ng rehiyon, ang nasa ilalim ng quarantine nitong Huwebes.

“This is really a big challenge because even our health workers are getting sick,” pag-amin ni Galvez.

Gayunpaman, sinabi niya na wala pang dahilan para maalarma dahil ang gobyerno ay patuloy na naghahanap ng mga paraan upang matugunan ang kakulangan ng workforce sa mga ospital at iba pang medical facilities

“Do not panic. The IATF [Inter-Agency Task Force], mayors, and hospital directors are doing everything that they can to ensure the continuity of our healthcare treatment,” sabi ni Galvez.

Martin Sadongdong

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...