Inamin ng 'Eat Bulaga' host, komedyante, at negosyanteng si Allan K na nagkaroon siya ng nobya noong kabataan niya, sa special Christmas episode ng 'Bawal Judgmental' ng kanilang noontime show.
Pinahuluan sa contestant kung sino sa mga Dabarkads o tawag sa mga hosts, ang nagkaroon ng nobya na ang pangalan ay 'Emma'.
Sagad na ang pasensya? VP Sara pinagmumura sina PBBM, FL Liza, Romualdez
At si Allan K nga iyon. Ngayon lamang daw niya ito nailabas sa publiko. Salaysay niya, mang-aawit siya noon ng isang banda sa Bacolod at 'kloseta' pa siya o hindi pa lantad ang pagiging beki niya. Ipinakita pa nga ang lumang litrato ni Allan na may bigote pa at lalaking-lalaki ang hitsura.
"Siyempre kapag singer ka maraming nagkaka-crush sa'yo," ayon pa sa kaniya. 'Ginamit' umano niya si Emma upang maikubli ang kaniyang sekswalidad, hanggang sa nagkalayo sila at nawalan ng komunikasyon sa isa't isa.
May isang psychic o manghuhula raw ang nagsabi sa kaniya na may nakikita siyang anak ni Allan, na hindi pa nito nakikilala.
Kung totoo man daw na may anak siya kay Emma na taga-Cebu, handa naman daw siyang panagutan ang anak, na eventually ay malaki na ngayon, lalo't kung mapapatunayan naman na siya talaga ang ama.
"What if kung totoo na may anak ako, 'di ba?," sey ni Allan.
"Siyempre dugo ko 'yan."
Kung totoo nga na nagkaroon sila ng anak, mga nasa 30-anyos na raw ang kaniyang anak ngayon.
Inamin din ni Allan na nais niyang magka-anak, at sumasagi na sa isipan niya ang mag-ampon.
Kamakailan lamang ay naging usap-usapan ang 'prank' nila ng aktor na si Ahron Villena kung saan sweet sila sa mga litrato at inakala ng mga netizen na may ugnayan sila.
BASAHIN: https://balita.net.ph/2021/12/18/allan-k-at-ahron-villena-may-espesyal-na-pagtitinginan/
Hindi naman naniniwala ang showbiz columnist na si Cristy Fermin na walang 'something' kina Allan at Ahron, at charot-charot lang ang lahat. Hindi raw ito prank.
Kahit kailan daw ay wala pang naisulat na artikulo, o kaya naman ay mga kumalat na litrato sa social media, na magkaibigan o nasa iisang circle of friends lamang sina Allan at Ahron.
Kilala rin umano ni Cristy si Ahron bilang 'mapagpatol', ayon sa kaniyang showbiz radio program na 'Cristy Fer Minute'.
Samantala, as of this writing ay #10 trending sa YouTube ang naturang special Christmas episode ng EB.
