Hindi malaman ng dancer-choreographer na si Anna Feliciano kung paano niya pasasalamatan si 'Wowowin' host Willie Revillame dahil sa natanggap niyang Christmas gift mula rito: isang mamahalin at bagong kotse!
Kuwento ni Anna sa kaniyang Facebook post nitong Disyembre 25, noong una raw ay hindi niya nagustuhan na inutusan siya ni Willie sa mismong araw ng holiday, para kunin ang napanalunan ng isang contestant sa '12.12' event ng isang online shopping app, na kine-claim na nito. Kailangan umano ng representative mula sa show.
#WalangPasok: Class suspensions ngayong Biyernes, Sept. 20
Makikitang medyo matagal mag-reply si Anna.
Maya-maya, makikita sa conversation thread na nagpasalamat na si Anna kay Kuya Will.
"Unexpected. I felt bad pa dahil gusto ako pag workin in Christmas Day. Yun pala may surprise. Thank you very much kuya!!! Graveee ang pasabog mo! Yes kuya, I will never leave the show. Loyal ako sa'yo, you know that. From Wowowee to Wowowin, from ABS to GMA. Thank you sa pag-appreciate ng craft ko," caption ni Anna, kalakip ang mga litrato ng kaniyang bagong sasakyan na kulay-kahel, at mga screengrab ng kanilang pag-uusap ni Kuya Wil.
Ayon kay Kuya Wil, deserve na deserve umano ni Anna ang naturang kotse dahil sa kasipagan at kahusayan nito sa trabaho. Isa pa, 'suhol' umano ito kay Anna para hindi nito iwanan ang Wowowin, dahil nabalitaan umano ng host na may mga kumakausap kay Anna mula sa ibang show.
Inutusan na rin niya si Anna na maghanap ng mga bagong dancer dahil unti-unti na umano silang magba-back to normal sa 2022.
Kilala si Willie Revillame bilang isa sa mga pinakamayayamang celebrity sa industriya ng showbiz. Nang umalis siya sa ABS-CBN dahil sa naging isyu sa 'Wowowee' sa ABS-CBN ay sumama sa kaniya si Anna Feliciano. Bitbit niya si Anna sa TV5 at finally, nang lumipat na sila sa Kapuso Network.
