Kinakiligan ng mga netizen ang simple ngunit sweet Instagram post ni Phenomenal Star Maine Mendoza para sa third anniversary nila bilang mag-jowa ni Kapamilya actor Arjo Atayde, na ipinost niya nitong Disyembre 21, 2021 na may caption na 'Happy third!'.
Makikita sa mga litratong ibinahagi ni Maine na tila nasa isang boat sila na may palamuting mga red balloons, at masayang pinagmamasdan ang paglubog ng araw.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Hindi rin naman nagpahuli si Arjo sa pagbibigay ng sweet anniversary message kay Maine. Aniya, mas gumaganda ang buhay niya kapag kasama ang kaniyang 'bubba pie'.
"Life with you just keeps getting better. Happy 3rd Anniversary my bubba pie pie," caption sa Instagram post ni Arjo.
Ilan sa mga celebrities na nagpaabot ng pagbati sa kanila ay sina Christine Bersola-Babao, Yassi Pressman, Darla Sauler, Gian Sotto, Mickey See, at maging ang nanay ni Arjo na premyadong aktres na si Sylvia Sanchez.
Nitong Nobyembre ay ipinagdiwang ni Arjo ang kaniyang 31st birthday kasama si Maine.
Inamin nina Arjo at Maine na dating na sila noong 2019.
