Kinahuhumalingan at pinag-uusapan ngayon sa social media ang isang French-Taiwanese TikToker mula sa Taiwan, dahil maliban sa agaw-pansin ang kaniyang taglay na kagandahan, marami sa mga Pinoy netizens ang nakapansing look-alike sila ni GMA Primetime Queen Marian Rivera.
Ang naturang TikToker ay nagngangalang Lea Dumortier, 18 anyos, na nakabase sa US at nag-aaral sa kolehiyo sa UC Berkeley. Nagtaka umano si Lea kung sino ang Marian Rivera na ikinokomento ng mga Pinoy netizens sa comment section ng kaniyang Instagram at TikTok, kaya naman sinaliksik niya ito sa internet. Napag-alaman nga niyang sikat na celebrity pala ito sa Pilipinas.
VP Sara, tahasang iginiit na hindi niya binoto si Romuadlez
“Because I get so many Marian Rivera comments… maybe I’m secretly her daughter," pabirong sabi ni Lea sa kaniyang TikTok video na may mahigit 2.9M views na.
Makikita nga sa mga video at larawan ni Lea na may pagkakahawig sila ni Marian.
Para kay Lea, isang karangalan umano ang maihambing sa isang sikat na artista sa ibang bansa. Samantala, wala pa namang reaksyon dito si Marian.
Sa kasalukuyan ay may 10,000 followers na siya Lea sa kaniyang Instagram at higit 157,000 followers naman sa TikTok.
