Muling inanunsyo ni Mayor Oscar Malapitan na pansamantalang ipinagpaliban ng pamahalaang lungsod ng Caloocan ang second dose vaccination ng Gamaleya o Sputnik V vaccine sa mga indibidwal na naturukan ng unang dose noong nakaraang buwan base sa direktiba ng Department of Health.
Hindi muna babakunahan ng Gamaleya COVID-19 vaccine o mas kilala sa tawag na Sputnik V ang mga nabakunahan mula Hulyo 6 hanggang Hulyo 25, 2021 na dapat sana ay naka-iskedyul na maturukan ng second dose ngayong huling linggo ng Agosto 2021.
Ani Mayor Malapitan, manatiling nakaantabay sa mga panibagong abiso mula sa Department of Health.
Orly L. Barcala
