Arestado ang isang retiradong miyembro ng United States (US) Air Force at misis nito nang makumpiskahan ng marijuana sa ikinasang anti-illegal drugs operation ng mga awtoridad sa loob ng tinutuluyang condominium unit sa Taguig City, nitong Huwebes.

Pansamantalang nasa kustodiya ng Regional Drug Enforcement Unit-National Capital Region Police Office sa Camp Bagong Diwa,Bicutan,Taguig City,sina Raul Antonio Cisneros, 36, isang retired US Air Force, at tubong 10th St. QueensViillage, New York, at Meljie Maguilling,28, kapwa taga-411 Kamala Building, 4th Level, Royal Palm Residence Acacia Estates, Bgy.Ususan, Taguig City.

Si Cisneros ay dati nang naaresto at sinampahan ng kasong paglabag sa Comprehensive Dangerous Drugs Act of 2002 dahil sa pagbebenta at makumpiskahan ng ‘ecstasy tablets” ng grupong Taguig Policenoong 2019.

Sa ulat, dinakip ang dalawa matapos nilang bentahan ng pinatuyong dahon ng marijuana ang police poseur buyer.

Akbayan, De Lima 'di apektado sa pagtutol ni PBBM: 'Kailangang manaig ang batas!'

Akbayan, De Lima 'di apektado sa pagtutol ni PBBM: 'Kailangang manaig ang batas!'

Nasamsam din sa dalawa ang mga tanim na marijuana na nakatago sa kanilang condominium unit.

Bella Gamotea