ni MARY ANN SANTIAGO
Pinasimulan na ng Department of Transportation (DOTr) at ng Philippine National Railways (PNR) ang clearing works sa eksaktong lugar na pagtatayuan ng bagong istasyon ng tren sa Calumpit na nasa Barangay Iba O’ Este.
Ayon kay DOTr Assistant Secretary Goddes Hope Libiran, ang sinimulang clearing works ay bahagi ng pre-construction activities bilang paghahanda sa aktwal na pagtatayo ng Phase 2 ng North-South Commuter Railway (NSCR) Project.
Aniya, tinatawag din itong Malolos-Clark Railway Project na bubuhay sa dating ruta ng riles ng PNR mula sa lungsod ng Malolos hanggang sa Clark International Airport.
50.78% examinees, pasado sa Nov. 2024 Licensure Exam for Agriculturists
Nabatid na ang itatayong tatlong palapag na Calumpit station ay sakop ng Contract Package N-01 na maglalatag ng riles ng tren mula Malolos hanggang sa Apalit, Pampanga.
Gagawin ito ng kontratista na joint venture ng Korean companies na Hyundai Engineering & Construction Corporation Ltd., Dong-Ah Geological Engineers Corporation Ltd at Pilipinong Kompanya na Megawide Construction Corporation.
Ayon kay Libiran, nagkakahalaga ang Contract Package N-01 na ito ng P28.3 bilyon na bahagi ng kabuuang P286 bilyong pahiram na pondo ng Asian Development Bank.
May hiwalay pang P201 bilyong Official Development Assistance ang Japan International Cooperation Agency para sa pag-assemble ng mga bagon ng tren para sa NSCR Phase 2.
Ito ay tinagurian na kauna-unahang airport train ng Pilipinas ang NSCR Phase 2 dahil aabot ang riles at istasyon sa mismong Clark International Airport na 53 kilometro mula sa Malolos.
Sa sandal umanong matapos ang proyekto sa taong 2023 ay ikakabit ito sa riles ng NSCR Phase 1 sa Malolos.
Mula rito, aabot hanggang sa Tutuban sa Maynila ang biyahe ng tren.
Sa tulong nito, ang dating dalawang oras na biyahe mula sa Maynila hanggang sa Clark ay mababawasan at aabot ng halos isang oras na lamang.
