ni Marivic Awitan
NAKOPO ni Filipino karateka at World No.1 e-Kata James De los Santos ang ikalimang gintong medalya ngayong taon nang pagbidahan ang Budva Winner Aria Cup #1 eTournament.
Ginapi ni De los Santos ang Amerikanong si Alfredo Bustamante, 24.9-24.6, sa gold medal match base sa resultang inilabas noong Biyernes.
Nakakuha ng first round bye si De los Santos sa nasabing 5-man event na nagbigay sa kanya ng outright semifinal seat.
'Pikon daw?' UAAP fan na nag-dirty finger, agaw-eksena sa San Juan Arena!
Sa semifinals, tinalo nya si Amund Hillestad of Norway, 25.3-22.8, upang umusad ng finals.
Gaya ng kanyang mentor na si De Los Santos, patuloy din sa pag-ani ng tagumpay si Fatima Hamsain sa female under-16 category kung saan.muli itong nagwagi ng gold matapos gapiin si Jelizaveta Vasiljeva ng Latvia sa finals, 24-23.4.
Nakatungtong din ng finals ang isa pang estudyante ni De los Santos na si Christine Colonia sa female under-18 category,pero silver lamang ang nakamit nito matapos yumukod kay Lea Gomolka ng Germany, 23-22.7.
