Hindi nasiyahan si Valenzuela City Mayor Rex Gatchalian sa naging tugon ng NLEX Corporation kaugnay ng kanyang reklamo dahil sa matinding trapiko sa expressway na dulot ng kapalpakan ng ipinatutupad na radio-frequency identification (RFID) system ng kumpanya.

Sa kanyang Facebook post nitong Sabado, binanggit nito na “walang kongkretong action plan, solusyon at pag-aayos” ang naging katugunan ng nasabing kumpanya.

“With all due respect, the RFID system in your tolls [has] been there for years, in one form or another... You had years to fix it, but you did not. So by saying that Dec. 1 is the date of reckoning clearly is not factual,” aniya.

“Matagal na po ‘yan RFID niyo na sira... Pero ngayon na mandatory na sa lahat gamitin, lumalabas ang mga problema, na matagal na dapat nasugpo kung binigyan niyo lang ng sapat na attention,” dagdag nito.

National

US-grade HIV treatment, malapit nang dumating sa Pilipinas – DOH

Inilabas ni Gatchalian ang pahayag matapos niyang matanggap ang sagot ng kumpanya sa kanyang liham na may petsang Disyembre 3 kung saan nagbanta ito na sususpendihin nito ang kanilang business permit kung mabibigo ito na sumunod sa mga kahilingan nito.

“You only have 24 hours from the receipt of this letter to file with the city government your action plan to solve your RFID fiasco. Likewise, you have only 72 hours from the receipt of this letter to file your explanation why the city government should not suspend your business permit in view of your miserable failure to comply with your obligations in your business permit to the detriment of the general welfare of the public, including the residents of this city, as well as the chaos, which have caused atrocious traffic situation and disrupted peace and order of this city,” ang bahagi ng liham ni Gatchalian kay NLEX Corp. chief operating officer Raul Ignacio.

Sa kanilang kasagutan, humihingi si NLEX Corp. president J. Luigi Bautista ng 15 araw sa alkalde upang tumugon sa mga inilatag niyang problema.

Bukod dito, hiniling din ni Bautista kay Gatchalian na bigyan sila ng panahon upang makapagsagawa ng “structured observation visit” kasama ang mga kinatawan ng Toll Regulatory Board.

“The city hall in our letter asked for concrete action plans and solutions. Clearly, this letter did not do so. The suffering [of the] Valenzuelano [and the] public can no longer wait for another 15 days as you requested. The suffering has to stop. It is already taking its toll on the economic, mental, and general well-being of our citizens. Solutions ngayon hindi bukas,” sabi ng alkalde.

Sa isa pang Facebook post, binatikos din ni Gatchalian ang NLEX dahil sa hindi pag-ako sa nararanasang matinding trapiko sa expressway.

“Sa ibang bansa kapag may fiasco na nagawa ang isang private company na vested with public interest (tulad ng grabeng traffic na nagdudulot na ng masamang effects sa hanapbuhay at kalusugan ng mga tao), agad agad ang 1st order of business ng company na ‘yun ay tangappin ang pagkakamali publicly, mag sorry and show the public what it intends to do to fix the problem,” sabi pa ng alkalde.