Ang isang bagong low pressure area (LPA) sa silangan ng Mindanao ang nabuo nitong Linggo, at malamang na magiging isa pang tropical depression sa loob ng 48 oras, ayon sa Philippine Atmospheric, Geophysical and Astronomical Services Administration (PAGASA).
Tinantya ng PAGASA ang lokasyon ng LPA sa 920 kilometro (km) silangan ng Hinatuan, Surigao del Sur dakong 1:00 ng hapon.
Kapag naging isang tropical depression, bibigyan ito ng lokal na pangalang “Ulysses,” ang pangatlong bagyo na maaaring mabuo sa loob ng Philippine area of responsibility(PAR) ngayong Nobyembre.
Maaari din itong maging ika-21 tropical cyclone sa bansa ngayong taon.
Mga nagpakalat ng fake news tungkol sa 'petisyon,' lagot sa Korte Suprema!
Samantala umalis na ang bagyong “Tonyo” sa kalupaan ng Pilipinas at nasa ibabaw ng baybayin na tubig ng Paluan, Occidental Mindoro noong Linggo ng hapon.
Si Tonyo ay bahagyang bumilis sa 30 kilometro bawat oras (kph) ngunit pinapanatili ang pa-kanlurang direksyon nito, ayon sa PAGASA.
Kung mananatili ito sa kanyang landas, si Tonyo ay nasa PAR sa Lunes ng umaga.
-Ellalyn De Vera-Ruiz at Jun Fabon
