Kasabay ng pagpupulong kahapon ng National Task Force Against COVID-19, binuksan na sa publiko ang mega-complex facility para sa mga pasyente o nahawaan ng nasabing sakit sa Taguig City.
Kabilang din sa binuksan ang bagong Molecular Laboratory, Lakeshore Mega-quarantine facility, at Lakeshore National Testing facility.
Binigyang-diin ng lokal na pamahalaang lungsod ang kahalagahan ng kooperasyon sa national government at ng task force nito upang malagpasan ang pandemiya.
Ang mga nasabing pasilidad ay karagdagan sa all-of-government approach testing, tracing at paggamot sa mga nahawaan ng virus.
Sinabi naman ni Mayor Lino Cayetano, ang pagkahawa o impeksiyon sa lungsod ay pinakamababa sa buong Metro Manila ngayong Setyembre.
78 OFW applicants, nailigtas sa isang illegal recruitment agency sa Makati
Nitong Setyembre 22, naitala ng lungsod ang pinakamababang aktibong kaso ng COVID-19 sa Metro Manila.
-Bella Gamotea
