TARLAC CITY — Pinatunayan ni Christine Hallasgo na siya ang Philippine ‘Marathon Queen’.

Ibinasura ni Hallasgo ang isyung ‘tsamba’ na panalo sa liyamadong si Mary Joy Tabal sa nakalipas na 30th SEA Games nang pagbidahan ang 2019 Milo Marathon National Finals nitong Linggo sa Tarlac Plazuela.

Nagwagi naman si Jasper Zabala sa men’s division sa tyempong dalawang oras, 31 minuto at 16 segundo laban kay Richard Salaño. Pangatlo si Jeson Agravante (2:31:55).

“First time ko mag-Milo Marathon King.After ng SEA Games umuwi ako sa Mindanao nag-training ako ng isang buwan kasi gusto ko makuha ko ‘yung pangarap ko,” pahayag ng 31-anyos mula sa Cagayan de Oro.

'Aapela raw!' John Amores 'di tanggap pagkawala ng professional license?

Tinuldukan ni Hallasgi ang anim na taong pagrereyna ni Tabal sa tyempong 2:52:23.

“Hindi ko expected matalo kasi idol ko si Joy Tabal,” pahayag ni Hallasgo. “Siguro naging positibo lang pananaw ko. Kung ano man ang kaya kong ibigay ginawa ko lahat.”

Bumuntot si Tabal sa tyempong 2:58:49, habang pangatlo si Christabel Martes (3:05:40).