Nang ihayag ng GMANetwork na si Jennylyn Mercado ang magiging si Dr. Maxine dela Cruz, at magiging leady lady ni Kapuso Primetime King Dingdong Dantes sa Philippine adaptation ng Korean Drama na Descendants of the Sun, may mga hindi sumang-ayon at mas bagay daw si Kapuso Primetime Queen Marian Rivera sa role ng doktorang girlfriend ni Big Boss. May mga nagbanta pang fans, na sabi’y DongYans sila, na hindi raw nila panonoorin ang serye, ibo-boycott daw nila ito, sorry na raw lamang kay Dingdong.

Agad hiningan ng komento si Marian sa launch niya as the first celebrity endorser ng WalterMart, sa balitang ibo-boycott daw ng DongYans ang Descendants of the Sun.

“Hindi totoo iyon dahil hindi ganoon ang DongYans namin ni Dong,” sagot ni Marian. “Open-minded sila pagdating sa trabaho naming mag-asawa. Ilang beses na kaming gumawa ng projects na hindi kami ang magkatambal pero wala kang maririnig sa kanila. Hindi na namin matatawaran ang suporta nila sa aming mag-asawa, sa mga projects namin, mapa-TV o movies, at ngayon sa mga anak na rin naming sina Zia at Ziggy. Kaya nga mahal na mahal namin sila at hindi namin sila itinuturing na fans kundi mga kaibigan na laging naroon sila para sa amin.

Blind Item

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

“Saka bago pa in-announce ng GMANetwork na si Jennylyn ang gaganap na Dr. Maxine dela Cruz, sinabi na ni Dong sa akin, kaya kung natatandaan ninyo minsan na sabi ninyo dapat ako ang gumanap sa kanyang role, sagot ko, hindi ako, malay ninyo, may kinuha na ang GMA. Saka wala ring problema sa amin ni Jen, matagal na kaming magkaibigan at magkasama sa work at bagay sa kanya ang role. Maganda rin kasi first time nilang magkakatrabaho sa isang TV series ni Dong, after nilang mag-host ng StarStruck. Saka si Jennylyn, nakagawa na rin ng Pinoy adaptation ng Korean drama series, ang My Love From The Stars.

Kasalukuyan nang nagti-taping sina Dingdong at Jennylyn at ang buong cast ng Descendants of the Sun sa Pampanga. Wala pang sinasabi kung kailan sila mapapanood sa GMAPrimetime Telebabad.