NAPAKA-SEXY ang 5’9 Ultimate Female Survivor ng StarStruck 6 na si Klea Pineda nang dumating sa pocket interview nila ni Jeric Gonzales para sa bago nilang pagti-team up sa Magkaagaw sa GMA Afternoon Prime drama series. Kaya natawa siya nang ang unang tanong sa kanya ay totoo bang tomboy siya?

“Marami nga pong nam-bash sa akin nang makita raw nila akong nag-join sa Gay Pride March sa Marikina City na may kasama akong tomboy,” kuwento ni Klea. “Nakakatawa po kasi hindi naman ako lamang ang mga artistang sumali roon. Hindi ko na lamang pinansin dahil wala namang katotohanan ang bintang nila sa akin, isa pa nag-enjoy kami ng mga kaibigan kong nag-join sa Gay Pride March.”

Unang nagtambal sina Klea at Jeric last year sa Ika-5 Utos kaya masaya sila na muli silang binigyan ng GMA ng bagong project na more mature na ang characters na gagampanan nila. Hindi pa nagdetalye ang dalawa kung anu-ano ang roles na gagampanan nila, maliban sa mag-asawa sila sa story at makakasama nila sina Sunshine Dizon at Sheryl Cruz, sa direksyon ni Gil Tejada.

Kumusta naman ang muli nilang pagtatambal ni Jeric, na matagal na rin silang nag-simulang mag-taping dahil in two weeks time, magsisimula na silang mapanood.

Blind Item

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

“Kung dati po, noong ginawa namin ang Ika-5 Utos, hindi kami masyadong nag-uusap, ngayon naman ay comfortable na kaming magkasama, halos four days a week ay nagti-taping na kami mula umaga hanggang gabi magkasama na kami sa set. Minsan nga, kahit wala po akong taping pumupunta ako sa set, para may interaction pa rin ang characters namin, kahit si Jeric lamang ang kinukunan.”

Hindi ba siya nababagalan sa takbo ng career niya dahil four years ago pa nang manalo siya sa StarStruck 6?

“Hindi po naman dahil after ng talent artista search, nagkasunud-sunod na rin ang projects na ibinigay sa akin ng GMA, bukod sa mga serye na nakasama ako, nagbibida rin ako sa ibang shows like sa Magpakailanman. Ang totoo po, thankful ako na nakagaganap ako ng iba-ibang roles. At ngayon nga, lead roles na ang gagampanan ko rito sa Magkaagaw.

Paano na ang dream niyang maging beauty queen?

“Naroon pa rin po ang dream kong iyon, pero I’m still young kaya gusto ko na munang i-prioritize ang acting career ko, marami pang time kasi I’m only 20 years old now. Marami pong paghahanda ang gagawin ko if I join the beauty contest kaya saka ko na iyon bibigyan ng tamang oras.”