NAPABALITANG nagkaroon ng sexual encounter ang dalawang Spice Girls member na sina Geri Halliwell Horner at Mel B, noong mga panahong namamayagpag ang grupo.

Ang isyu ay nabuksan nang kapanayamin nitong Biyernes si Mel, aka Scary Spice, ni Piers Morgan para sa bagong ITV show ng huli na Life Stories.

"Did you or didn't you with Geri Halliwell... did you sleep with her?" tanong ni Morgan, na ang tinutukoy ay ang matagal nang usap-usapan tungkol sa dalawa.

Relasyon at Hiwalayan

Pagpapakasal dahil lang sa anak, 'di bet ni Janella Salvador

"Yeah, we all slept in a bed together but not 'like that,' all of us," sagot niya, na ‘tila pag-iwas niya sa tanong.

Ngunit giit ni Piers: "Did you sleep with Geri 'like that'?"

Noon na napangiti ang 43 taong gulang na singer at tumango rin siya. "She's going to hate me for this because she's all posh in her country house and her husband. But it's a fact. It just happened and we just giggled at it and that was it."

Sinundan ito ni Mel ng paliwanag na hindi naman ito romansa, at isa lamang “sexual tryst” sa kanila.

"It was just that once. And hopefully when Geri gets asked that, which hopefully she will after this, she won't deny it,” aniya. “Because it was just a fun thing.”

Gayunman, sitsit ng source sa Entertainment Tonight, ang mga pahayag na ito ni Mel ay “untrue,” at “just Mel B being Mel B.”

Kasal si Geri kay Christian Horner, ang head ng Formula 1 racing team, simula pa noong 2015. Kasal naman si Mel sa film producer na si Stephen Belafonte mula noong 2007 hanggang 2017.

Ayon sa Mail on Sunday, tinanong din ni Morgan si Melanie Chisholm—aka Mel C o Sporty Spice, na kasama sa interview—kung alam ba nito ang umano’y sexual encounter ng dalawa niyang co-members.

“I don't know anything,”sagot ni Mel C.

"Oh whatever, Mel," sabi ni Mel B sa kanya.

"This is all new to me," giit ni Mel C.

Iniulat din ng The Sun on Sunday na tinanong din ni Morgan si Mel B kung mayroon ba silang ginawang “anything” ni Mel C.