“MGA ex ko, lalo na ‘yung first husband (Gabby Concepcion) ko,” ito ang seryosong sagot ni Sharon Cuneta sa tanong sa kanya ni Boy Abunda sa programang Tonight with Boy Abunda kung ano ang ayaw niyang pag-usapan kapag may interbyu siya.

“Kung wala si KC (Concepcion), gusto ko nang i-delete kasi kaya nga naghiwalay, obviously, I don’t mean any offense but obviously it wasn’t happy.”

Sinubukan naman daw ni Sharon na maging friends sila ni Gabby.

Kalokalike ni Awra Briguela, mas maganda pa raw sa kaniya

“I tried. I did. I believe I did. I cannot speak for him. I don’t mean he didn’t, I’m just saying I cannot speak for him.”

Binago na ni Boy ang tanong at tungkol ito sa urban legend na may buffet table at lechon daw sa dressing room niya.

Humagalpak ng tawa si Sharon. “Hindi naman totoo ‘yun? ‘Pag alam naming medyo gagabihin or ‘pag inabutan ng lunch or dinner, tatanungin ko kung anong gusto nilang kainin, ilista na lang tapos I just give money para magpabili.

“You have to take care of your people, you know? The lechon is not true! That’s happened siguro baka may nagregalo.”

Sinalo siya ni Boy. “Baka you shared it to everybody.”

“Of course, alangan namang ubusin ko ‘yung lechon,” tawa nang tawang sabi ni Sharon.

Nabanggit din ni Boy na mahilig daw talaga magbigay si Mega ng diamonds.

“Oh my God, hindi naman, I remember once, recording lang. One of my good friends, may nagbebenta sa akin ng alahas, sabi ko ’anong magandang hikaw, ito o ito?’ (Itinuro ng tinanong). Sabi ko ‘sige gift ko ‘yan sa ‘yo’. Hindi naman sobrang diamonds,” tumawang sabi pa ng aktres.

Napatingin tuloy si Boy sa suot na singsing ni Sharon na sobrang laki ng bato.

“Huwag naman, pinaghirapan ko nang 40 years ‘yan. Ito (sabay turo sa kanang daliri), kay Elaine (Cuneta), kay mommy ito. Ito binili ko nu’ng 20’s ako sa Cartier (singsing),” nakaramdam na sabi ng Megastar.

Ipinakita sa video clip na kuha mula sa katatapos lamang na Regine at the Movies concert ni Regine Velasquez na binigyan siya ni Sharon ng Flower Cocktail Diamond ring na nagkakahalaga raw ng mahigit isang milyon.

“You’re famous for being so generous,” sabi ni Boy kay Shawie.

“That is something shown to me by example by my parents,” sagot ng Megastar.

Samantala, itinanong din ng TV host kay Shawie ang boyfriend ni KC na si Pierre (Plassart).

“I love Pierre, they were together about five years ago the first time before Paulo (Avelino), before Aly (Borromeo). I’m sorry Kace, I’m just excited. I love him so much. The first time I saw him again [sabi ko], ‘where is my son!’” nakangiting sabi ni Sharon.

Paano ilalarawan ni Sharon ang relasyon nilang mag-ina ngayon?

“We’re in a good place. I wish it were a better place but we’re in a good place kasi she’s adult na, okay na siya, eh, she has her own life na e,” saad ng mama ni Kristina Cassandra.

Umaasa ba si Sharon na sana sina KC at Pierre na?

“I’m sure they’ll tell us when it’s time but I am praying to God that this is it. You know why? He gets her, she gets him. Only three words, Pierre and KC, I hope they get married and give me beautiful grandchildren and I will kidnap them all.”