Libreng kolehiyo 'di limitado sa SUCs, LUCs-Balita

Libreng kolehiyo 'di limitado sa SUCs, LUCs

Sa paghihigpit ng admission policies sa pampublikong higher education institutions (HEIs), pinaalalahanan ng Commission on Higher Education (CHED) ang mga estudyante na nais makapagpatuloy sa kolehiyon na mayroon pang ibang options o “exits” para sa kanila.

“The intention of the law is to provide a range of options to students who want to go to higher education,” sinabi ni CHED Officer-in-Charge (OIC) at Spokesperson J. Prospero De Vera III kaugnay sa Republic Act (RA) 10931 o ang “Universal Access to Quality Tertiary Education Act (UAQTEA).

“What the law provides is options, what option you’ll take, that’s the decision of the student,” aniya.

Aminado si De Vera na maraming estudyante ang hindi makakapasok sa State Universities and Colleges (SUCs) at sa Local Universities and Colleges (LUCs) dahil sa mas mahigpit at mas istriktong admission policies sa pagpapatupad sa Free Higher Education Law.

Sa kasalukuyan, ang lahat ng 112 SUCs at 78 LUCs na accredited ng CHED ay makikinabang mula sa UAQTEA. Inaasahan ng CHED na tinatayang 1.4 milyong estudyante ang makikinabang sa RA 10931 na ipatutupad simula sa Academic Year (AY) 2018-2019. Gayunmanm, hindi maaaring tanggapin ng public HEIs na ito ang lahat ng aplikante dahil restricted sila ng kanilang carrying o absorptive capacity.

Sinabi ni DE Vera na ang mga estudyante na hindi makapapasok sa SUCs o LUCs, ay maaaring kumuha ng Technical-Vocational Education and Training (TVET) na sakop din ng RA 10931 sa ilalim ng Technical Education Skills and Development Authority (TESDA).

Binanggit din ni De Vera ang iba pang components ng RA 10931 na magbibigay din ng pagkakataon sa mga estudyante na makapagpatuloy sa kolehiyo.

Halimbawa, ang Tertiary Education Subsidy (TES) o grants-in-aid component, ay maaaring mag-accommodate ng 300,000 beneficiaries na mag-aaral sa mga pribadong unibersidad.

“There’s no stopping them to go to private universities if they don’t make it to SUCs or LUCs,” aniya.

Maaari ring mag-apply ang mga estudyante para sa national Student Loan Program (SLP), na isa pang component ng free higher education law.

-Merlina Hernando-Malipot

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...