Bukas ang Department of Health sa pakikipagtalakayan sa mga tutol sa RH Law-Balita

INIHAYAG ni Health Secretary Dr. Francisco Duque III nitong Huwebes na nais niyang talakayin ang implementasyon ng Reproductive Health (RH) Law kay Senate Majority Leader Vicente Sotto III, na kilalang kritiko ng nabanggit na batas.

“I will get in touch with him (Sotto). We have to make our communication open so that we understand exactly our respective positions. And who knows, at the end of the day, there will be complementation of our positions,” sinabi ni Duque nang tanungin tungkol sa senador na kumukuwestiyon sa budget para sa family planning program ng gobyerno.

Sinabi ng kalihim na nais niyang ipaliwanag kay Sotto na kailangang maipatupad ang probisyon ng RH Law upang matupad ang adhikain ng bansa na magampanan ang Philippine Health Agenda 2016-2022, at upang makamit ang Sustainable Development Goals, kabilang na ang pagtiyak ng malusog na pamumuhay at maisulong ang kapakanan ng lahat sa bansa.

“We will respect the opinion of Sen. Sotto. But there is a law which the Executive Branch is mandated to execute,” ani Duque.

Samantala, sinabi ni Duque na hindi kuntento ang mga grupo sa pagpapawalang-bisa sa temporary restraining order (TRO) sa dalawang subdermal implants matapos nilang madeklara ito at ang 49 iba pang contraceptive products bilang non-abortifacient.

“That is well within their rights. If they want to file another injunction case, a petition for injunction, it is really up to them. The legal recourse is open to everyone,” lahad ni Duque.

Inihayag naman ni Commission on Population (POPCOM) executive director, Dr. Juan Antonio Perez III, sa hiwalay na panayam na naghahanda na sila para labanan ang anumang oposisyon hinggil sa pagpapawalang-bisa ng Korte Suprema sa TRO.

Gayunman, sinabi niyang wala pang bagong impormasyon ang oposisyon upang suportahan ang kanilang mga argumento.

“Unless they have new information, it will be the same kind of discussion,” ani Perez.

Tinatayang anim na milyong babae sa buong bansa ang gumagamit ng fmily planning programs, at nadadagdagan ang bilang na ito ng isang milyon bawat taon, anang POPCOM chief.

“With the RH Law now to be fully implemented, maybe we will get over a million new ones annually,” sabi pa ni Perez. - PNA

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...