Ni Marivic Awitan
KUNG may malasakit si Chito Narvasa sa PBA at sa mga tagahanga ng basketball, makabubuting magbitiw na lamang siya upang maiwasan ang pagkakahati ng PBA Board.
Ito ang pananaw ni incoming PBA Chairman Ramoncito Fernandez ng NLEX bunsod nang tahasang pagkiling ng limang Board member (minority) sa pananatili ni Narvasa bilang Commissioner ng PBA.
“If the commissioner really loves the PBA and the public, as he conveniently espouses, he should make the supreme sacrifice of voluntarily stepping down to prevent a division of the board and stalled basketball operations,” pahayag ni Fernandez.
'Pikon daw?' UAAP fan na nag-dirty finger, agaw-eksena sa San Juan Arena!
“Maybe with his ultimate sacrifices the public will forget the past and give honor to his act of leaving the post,” aniya.
Matapos ang emergency meeting nitong Huwebes, isinulong ng pitong PBA Board member na sina Fernandez, Patrick Gregorio ng TNT Katropa, Al Panlilio ng Meralco, Dickie Bachmann ng Alaska, Mert Mondragon ng Rain or Shine, Dioceldo Sy ng Blackwater at Raymond Zorrilla ng Phoenix ang isang resolusyon na nagpapalsik kay Narvasa.
Itinalaga rin ng grupo si deputy commissioner Ricky Santos bilang Officer-in-Charge (OIC).
“We are setting it clear that we are not supporting the renewal of the term Commissioner Narvasa which has effectively expired at the end of the 42nd Season,” ayon sa pahayag ng grupo.
Itinanggi ni Fernandez na ang pagkiling ni Narvasa sa San Miguel Beer sa kontrobersyal na trade ng KIA para sa No.1 pick sa nakalipas na Rookie Drafting – Christian Standhardinger – ang dahilan nang kanilang decision.
“It’s simply loss of confidence,” aniya.
“Mr. Narvasa clearly knows that his term is on a yearly basis as this is contained in the minutes of the meeting of the board, as well as when he assumed the post of COO (Chief Operating Officer) which has a term limit of one year,” pahayag ni Fernandez.
Ipinaliwanag din ng grupo na nais lamang nilang ipaalam kay Narvasa sa pamamagitan ng ginawa nilang resolusyon na hindi na nila ito suportado..
“The action of the seven governors in supporting the non-extension of his term is precisely to prevent the futile exercise of one proposing his reappointment which needs eight affirmative votes which obviously Narvasa will not get given the non support of a greater majority.”
Sinalungat naman ito ni San Miguel team governor Robert Non na nagpahayag ng suporta kay Narvasa kasama ang apat na iba pang board – KIA, Ginebra, Star Hotshots at Globalport – at sinabing hindi naaayon sa by-laws ng liga ang ginawa ng ‘majority group’.
Ikinalungkot naman ni Fernandez ang naging dahilan ng ‘minority block’.
“It is unfortunate that some are providing misleading statements in order to vainly justify the continued stay of a very unpopular commissioner who, for reasons known only to him, stays in spite of the public clamor against him due to performance and continued drop year on year on PBA figures,” pahayag ni Fernandez.
