Ni NITZ MIRALLES

NASA bakasyon sa New York sina Kris Aquino at mga anak na sina Josh at Bimby at nangako si Kris na isi-share ang happenings nilang mag-ina via social media.

Sabi ni Kris, time ng mga anak to be with her habang bakasyon sila dahil pagbalik niya, dire-deretso na uli ang trabaho niya hanggang Christmas.

Classic movie ‘Ipaglaban Mo!’, ipinalabas ng CCP bilang kampanya vs VAWC

Walang TV show si Kris at wala ring ginagawang pelikula, pero busy siya sa sunud-sunod na launching, TVC shoot for her endorsements, shoot for her digital show at ang pag-aasikaso sa lumalago niyang food business.

Sa sobrang husay ni Kris as entrepreneur o business executive, bago pa natin malaman, may food empire na siya.

Sa isang post, binati niya ng Happy 25th Anniversary ang Potato Corner at ibinalitang, “We now own & operate 9 branches of Potato Corner + @nachobimby, very soon by 1st week of November we’ll have 10 (that branch will be opening @iloveayalamallsthe30th). “

Isa sa nag-comment sa post na ito ni Kris ay si Carla Abellana na nagsabing, “I continue to dream, strive, pray, and work hard to open my first @potatocornerph. Hopefully very soon. I look up to you, Ms. @krisaquino.”