Ni NITZ MIRALLES

DELETED na sa social media account ng friend ni Ellen Adarna ang picture ni John Lloyd Cruz na naka-dirty finger sign.

Bago tinanggal ang picture, nauna nang dinelete ng friend ni Ellen ang comments section ng nasabing picture ni John Lloyd dahil sa maraming comments.

Classic movie ‘Ipaglaban Mo!’, ipinalabas ng CCP bilang kampanya vs VAWC

Hindi inaway ng fans ni John Lloyd ang friend ni Ellen, sinabihan lang na i-delete ang picture ng aktor dahil makakasira sa image nito. ‘Kaso lang, late na ang pagde-delete sa picture dahil marami na ang nakapag-save at na-post na sa iba’t ibang website at marami ang mga negatibong komento.

May ibang pictures si John Lloyd sa bakasyon nila ni Ellen sa Cebu at sa mga picture, makikitang enjoy siya at sweet silang dalawa. Kung confirmation ito sa relasyon nina John Lloyd at Ellen na matagal nang usap-usapan, marami ang masaya para sa kanilang dalawa pero mayroon ding hindi pabor.

Kaya lang, may naglalabasan ding video ni John Lloyd na lalong hindi maganda para sa kanya dahil hitsurang lasing na lasing siya. Dapat na sigurong umaksiyon ang ABS-CBN at Star Magic.